Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 535 Hüküm no: 835 Orijinal metin no: [97b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Beşe’nin üzerine bıçakla hücûm ettiği tespit olunan Mustafa’nın cezalandırılması Maʻrûz-ı dâʻî-i Devlet-i aliyyeleridir ki; İşbu bâʻisü’l-iʻlâm Mustafa Beşe nâm kimesne Vâlidesarayı ser-bölüğü Ahmed Bey maʻrifetiyle meclis-i şerʻa ihzâr olunan medîne-i Eyüb’de Tuğbâ fırını kurbünde sâkin diğer Mustafa nâm kimesne mahzarında mezbûr Mustafa târîh-i iʻlâm günü sarhoş, bıçak ile üzerime hücûm ve bıçağı salıp yedinden tahlîs eylediler deyü eylediği daʻvâ-yı mezbûresini ehl-i sûkdan Osman b. Abdullah ve Kalaycı Ali b. Mehmed nâm şâhideyn-i muʻaddileyn şehâdetleriyle vech-i şerʻî üzere münkir-i mezbûr Mustafa muvâcehesinde baʻde’l-isbât mûcebiyle mezbûr Mustafa’ya taʻzîr lâzım geldiği Eyüb mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 2 min-Zilhicceti’ş-şerîfe li-sene 1162