Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 538 Hüküm no: 842 Orijinal metin no: [98a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Yorgi v. Dimitri’nin İlmiye bt. Todori ile beş bin akçe mihir karşılığında evlendiği Maʻrûz-ı dâʻî-i Devlet-i aliyyeleridir ki; Havâss-ı aliyye kazâsında Petnehor nâm karyeden derûn-ı arzuhâlde mezkûrü’l-ism Bakkāl Yorgi v. Dimitri nâm zimmî hâmile-i arzuhâlin kızı İlmiye bt. Todori v. Hürmüz nâm bikr-i bâliğanın vekîli Emine nâm hatunlar ile Eyüb mahkemesinde meclis-i şerʻa gelip müvekkile-i merkūme İlmiye Nasrâniye’yi beş bin akçe mehr-i müeccel tesmiyesiyle tezevvüç [ve] kabûlünü müvekkile-i mezbûrenin anası sâhibe-i arzuhâl Milye Nasrâniye hâzır olduğu hâlde ikrâr ve iʻtirâfını baʻde’t-tasdîk husûs-ı mezkûra müteʻallik katʻ-ı nizâʻ etdikleri tescîl olunup mübâşiri Kapıkethüdâsı Hasan kulları iltimâsıyla huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 8 Zilhicce sene 1162