Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 541 Hüküm no: 849 Orijinal metin no: [99a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Taşcı Seyyid Abdullah’a komşularının kefîl oldukları Maʻrûz-ı dâʻî-i Devlet-i aliyyeleridir ki; Bâ-fermân-ı âlî husûs-ı katli tefahhus esnâsında Haseki Ali Ağa ve Çukadâr Ali maʻrifetleriyle ahz ve Eyüb mahkemesine ihzâr olunan mahmiye-i İstanbul’da İbâdiye kurbünde sâkin Taşcı Seyyid Abdullah b. Seyyid Ali nâm kimesnenin nefsine ve lede’l-mütâlebe meclis-i şerʻa ihzârına mahmiye-i mezbûrede Aksaray kurbünde Davudpaşa Mahallesiʼnde sâkin Köse Hüseyin b. Ali ve Odabaşı sûkunda sâkin Hasan Beşe b. Halil ve Edirnekapısı’nda Taşcı Seyyid Ali b. Seyyid Hüseyin ve Eğrikapı’da Taşcı Çolak Hasan nâm kimesnelerden her biri kefîl oldukları tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâdis ve’l-ışrîn min- şehri Zilkaʻdeti’ş-şerîfe li-sene isneyn ve sittin ve miʼe ve elf.