Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 543 Hüküm no: 854 Orijinal metin no: [99b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Mustafa’nın borcunu ödemesi Maʻrûz-ı dâʻî-i Devlet-i aliyyeleridir ki; İşbu bâʻisü’l-iʻlâm Ali b. Mehmed nâm kimesne Edirnekapısı yasakcısı mübâşeretiyle ihzâr şerʻ olunan Ahmed b. Mustafa nâm kimesne ile terâfuʻlarında senede otuz guruş ve bir keyl hınta ücret kavliyle hizmetinde olup dokuz guruşunu verip mâʻadâ yirmi bir guruşu taleb ederim deyü daʻvâ ol dahi ikrâr yirmi üç buçuk guruş ile bir keyl hınta teslîm, bâkī altı buçuk guruş deynimdir deyü ikrâr etmekle müddeʻî-i mezbûr müddeʻâsı olan bir keyl hıntayı isbâta havâleten kabzını münkir olduğu üzere dört buçuk guruşu mezbûr Ahmed isbât etmek üzere beyâna havâle olunup ücretden bâkī iktidârı mertebesi altı buçuk guruşu müddeʻî-i mezbûra edâya merkūm Ahmed’e tenbîh olunup Eyüb mahkemesinde tescîl olunmuşdur. Bâkī fermân men-lehü’l-emrindir. Fî 11 min-Zilkaʻde sene 1162