Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 547 Hüküm no: 861 Orijinal metin no: [100a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terzi Artin ile Çukacı Levi’nin sulh oldukları Maʻrûz-ı dâʻî-i Devlet-i aliyyeleridir ki; Arzuhâl eden Terzi Artin nâm <> zimmî derûn-ı arzuhâlde ismi mezkûr Çukacı Holak Levi Yahûdi ile baʻde’l-murâfaʻa ve’l-münâzaʻa tasaddî eylediği daʻvâ-yı mezbûresinden iki buçuk guruş bedel-i makbûza sulh olup her biri âharın zimmetlerini ibrâ ve iskāt edip katʻ-ı nizâʻ etdikleri tescîl olunup huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sânî aşer min-Zilkaʻdeti’ş-şerîfe li-sene isneyn ve sittin ve miʼe ve elf.