Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 549 Hüküm no: 867 Orijinal metin no: [100b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karcı Hasan Beşe’nin Kasap İsmail Beşe’ye olan borcunu ödemesi Maʻrûz-ı dâʻî-i Devlet-i aliyyeleridir ki; Kassab tâifesinden işbu bâʻisü’l-iʻlâm İsmail Beşe nâm kimesne yine Tâife-i mezbûrdan Karcı Hasan Beşe ile terâfuʻlarında mezbûr Hasan ile kasablık hizmetinde şerîkler olup baʻde külli hesap asl-ı mâldan olmak üzere altmış altı guruş ve bir reʼs bargir semeninden on dört guruş ki cemʻan seksen guruş hakkım vardır deyü tasaddî eylediği daʻvâ-yı meşrûhasından bâ-vesâtet-i muslihîn otuz guruş üzerine baʻde’l-musâlaha meblâğ-ı mezbûr otuz guruşu târîh-i iʻlâmdan kırk gün tamamına değin edâ etmek üzere taʻahhüd ve bu vechile katʻ-ı nizâʻ eyledikleri Eyüb mahkemesinde tescîl ve bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’r-râbiʻ min-Zilkaʻdeti’ş-şerîfe li-sene isneyn ve sittin ve miʼe ve elf.