Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 559 Hüküm no: 886 Orijinal metin no: [102b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karısı Hatice’yi boşayan Kayıkcı İbrahim’in nafaka ve mehir ödemesi Maʻrûz; İşbu bâʻisü’l-iʻlâm Hatice bt. İlyas nâm hatun zevc-i mutallıkı Kayıkcı İbrahim b. Hasan nâm kimesne muvâcehesinde mezbûr İbrahim zevcim olup beni tatlîk etmekle zimmetinde mütekarrir olan dört bin akçe mehr-i müeccelim ile nafaka-i iddet-i maʻlûmem ve meʼûnet-i süknâm içün bi’t-terâzi takdîr olunan altı yüz akçe ki; cemʻan dört bin altı yüz akçe hakkım vardır taleb eylerim deyü baʻde’d-daʻvâ ve’l-istintak mezbûr İbrahim cevâbında mehr-i mezkûrdan iki bin iki yüz akçe ile bi’t-terâzi takdîr olunan altı yüz akçe ki; cemʻan bin sekiz yüz akçeyi baʻde’l-ikrâr edâsıyla tenbîh olunup meblâğ-ı bâkī bin sekiz yüz akçenin sübûtu şâhide havâle olunduğu Eyüb mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Fermân men-lehü’l-emrindir. Fî 14 Ramazan sene 1162