Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 567 Hüküm no: 905 Orijinal metin no: [104a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karısı Hâcce’nin geçimini temin etmeyen Lütfullah’ın saklandığı Maʻrûz; Sâhibe-i arzuhâl Hâcce nâm hatun İstanbul sâkinlerinden olup zevci Lütfullah nâm kimesne Haslar kazâsına tâbiʻ Umurca nâm karyede olan çiftliğe giderim deyü bir buçuk seneden beri zevcesine gelmeyip ve nafakasını görmeyip taʻcîz eylediğini iştikâ-birle arzuhâl ve ısdâr eylediği fermân-ı âlîlerine imtisâlen taraf-ı şerʻden muhzır taʻyîn ve irsâl olundukda çiftliğinde yanaşmaları İstanbul cânibine gitti deyip ve bu tarafda tefahhus etdiklerinde karyesinden gelmemişdir deyü cevap vermeleriyle mücerred murâfaʻadan imtinâʻ içün kendini ihtifâ ve ihzârı müteʻassir olduğu maʻlûm-ı devletleri buyruldukda fermân hazret-i veliyyü’l-emrindir. Fî 20 şaʻbân sene 1162