Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 583 Hüküm no: 936 Orijinal metin no: [107a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostancı Ahmed aleyhine açılan davadan vazgeçildiği Maʻrûz; Sâhib-i arzuhâl Ali nâm kimesne Sâdabâd bostânîlerinden derûn-ı arzuhâlde mezkûr Bostanî Ahmed nâm kimesneden mezbûr Bostanî Ahmed bundan akdem karye-i Sâdabâd’da bi-gayr-ı hakkın sopa ile uzvuma darb ve kara bere edip dahi dere suyuna kakmasından nâşî otuz guruş nakdim su içine düşüp zâyiʻ olmuşdur deyü eylediği daʻvâ-yı mezbûresinden fâriğ olup husûs-ı mezbûre ve mâ-yuhdesü anha müteʻallika âmme-i deʻâvîden mezbûr Bostanî Ahmed’in zimmetini ibrâ ve iskāt edip ol dahi ibrâ-i mezbûru baʻde’l-kabûl müddeʻî-i mezbûr Ali’den bi-gayr-ı hakkın şutûm-ı galîza ile bana şetm eyledi deyü tasaddî eylediği daʻvâ-yı mezbûresinden fâriğ olup müddeʻî-i mezbûr Ali’nin zimmetini ibrâ ve iskāt ve birbirleriyle katʻ-ı nizâʻ eyledikleri zâbiti kıbelinden bölükbaşıları iltimâsıyla baʻde’t-tescîl huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’t-tâsiʻ min-Recebi’l-ferd li-sene isneyn ve sittin ve miʼe ve elf.