Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 584 Hüküm no: 937 Orijinal metin no: [107a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Afife Hatun’un tasarrufunda bulunan bakkal dükkânında kiracı olan Panayot’un kira sözleşmesini feshederek mezkûr dükkânı tahliye ettiği Maʻrûz-ı dâʻî-i Devlet-i aliyyeleridir ki; Medîne-i Eyüb’de ve tevâbiʻ-i Hasköy’de kadîm bulunan bakkal dükkânları mukaddemâ taʻdâd ve nizâm verildiğinde yekûnu mukayyed olup her biri başka isim ve şöhretle defter kaydı olmayıp pazarbaşı olmayıp pazarbaşı ve vukūf-ı tammı olan ustaları ve sâirlerden tefahhus olunup sâhibe-i arzuhâl Afife Hatun’un mutasarrıfe olduğu Otakçılar sûkunda zikr olunan gedikli bakkal dükkânı Kargaveloğlu ismi ve şöhretiyle nizâma dâhil seksen seneyi mütecâviz kadîm olduğu herbirleri haber verip müsteciri hâzır bi’l-meclis olan Panayot icâreyi fesh ile mülkü olan âlât-ı maʻlûmesini alıp alt tarafda yeni dükkân şöhretiyle müsteciri olduğu dükkânında olup dükkân-ı mezbûrun beynlerinde muʻteber gedik mutasarrıfesinin olmak üzere rızâsıyla gedikden ve dükkân-ı mezkûrdan keff-i yed eylediği maʻlûm-ı devletleri buyruldukda... Bâkī Fermân hazret-i veliyyü’l-emrindir. Fi’l-yevmi’l-âşir min-Recebi’l-ferd li-sene isneyn ve sittin ve miʼe ve elf.