Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 584 Hüküm no: 938 Orijinal metin no: [107b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Panayot’un Afife Hatun’a olan kira borcunu ödeyerek kiracısı olduğu bakkal dükkânının işlemesine engel olmaması Maʻrûz; Derûn-ı arzuhâlde mezkûr Otakçılar sûkunda vâkiʻ bakkal dükkânının mutasarrıfesi sâhibe-i arzuhâl Afife nâm hatun bakkal tâifesinden Panayot nâm zimmî muvâcehesinde mesfûr Panayot’un müşâhereten müstecir olduğu kadîmî bakkal dükkânımı iki aydan beri muʻattal edip ve zimmetinde on bir aylık bin iki yüz on para ücret-i müctemiʻa olmakla taleb ederim deyü daʻvâ, müstecir-i mesfûr Panayot zimmî deyn-i mezbûru baʻde’l-ikrâr edâsıyla ilzâm olunup ve zikr olunan bakkal dükkânı taʻdâd olunan dükkânların biri olup nizâma dâhil kadîm olduğu pazarbaşıları Mustafa Çelebi inhâ ve ahâlî-i mahalleden beş nefer Müslimîn dahi haber verip ke’l-evvel küşâd olunması ibâdullaha enfaʻ idiği huzûr-ı âlîlerine iʻlâm olundu. Fermân men-lehü’l-emrindir. Fi’l-yevmi’l-âşir min-Cemâziyelâhire li-sene isneyn ve sittin ve miʼe ve elf. 1162