Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 585 Hüküm no: 940 Orijinal metin no: [107b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hatun’un kocasından anlaşmalı boşandığı Maʻrûz; Târîh-i iʻlâm senesi şehri Cemâziyelâhiri’nin sekizinci günü sâhib-i arzuhâl Mustafa’nın derûn-ı arzuhâlde mezkûratü’l-ism zevcesi Fâtıma’nın tarafından vekîl olmak üzere hâzır olan Molla Osman müvekkilem mezbûre Fâtıma mehrinden geçip mezbûr Mustafa dahi zevcesi müvekkilem mezbûreyi tatlîk eyledi dedikde mezbûr Mustafa dahi tatlîki iʻtirâf etmekle talâkın sübûtu tescîl olunduğu huzûr-ı âlîlerine iʻlâm olundu. Fermân hazret-i veliyyü’l-emrindir. Fi’l-yevmi’s-sânî ve’l-ışrîn min-Cemâziyelâhir sene isneyn ve sittin ve miʼe ve elf.