Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 589 Hüküm no: 947 Orijinal metin no: [108b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail Beşe b. Mehmed’in ekili arazilerine koyunları vasıtasıyla zarar veren Çoban İstefani v. Yano’nun verdiği zararı tazmin ettiği Maʻrûz; Havâss-ı aliyye kazâsına tâbiʻ Küçükköy’de vâkiʻ Vibrako çiftliği müsteciri olan İsmail Beşe b. Mehmed meclis-i şerʻde hâmilü’l-iʻlâm Çoban İstefani v. Yano nâm zimmî muvâcehesinde çiftlik-i mezbûrun tarlalarından buğday ve arpa ve alef mezrûʻ üç kıtʻa tarlamın ekini ile saʻy ve amîm [amelim] ile hâsıl bir kıtʻa çayırımı dört gün mukaddem merkūm İstefani zimmî iki yüz mikdârı koyunlarını sevk ve idhâl edip mezrûʻ olan ekinimi ve çayırımı ekl ve itlâf etdirdin deyü daʻvâ etdikde ol dahi münkir olup bu vechile beynlerinde münâzaʻât-ı kesîre vukūʻundan sonra yirmi beş guruş bedel-i <> makbûza bâ-vesâtet-i muslihîn sulh olup tasaddî eylediği zarar-ı mezbûr daʻvâsından merkūm İstefani’yi ibrâ eylediği tescîl olunup bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fî 27 min-Cemâziyelevvel sene 1162