Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 590 Hüküm no: 949 Orijinal metin no: [108b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa’nın boşadığı karısı Fâtıma bt. İbrahim’e olan borcunu ödemesi Maʻrûz; Medîne-i Ebâ Eyüb el-Ensârî’de Davud Ağa Mahallesiʼnde sâkine işbu bâʻisetü’l-iʻlâm Fâtıma bt. İbrahim nâm hatun meclis-i şerʻa ihzâr etdirdiği Mustafa nâm kimesne ile terâfuʻlarında merkūm Mustafa zevcim olup beni bâyinen tatlîk etmekle zimmetinde mütekarrir ve maʻkūdun-aleyh iki bin altı yüz akçe mehr-i müeccel hakkımdan altı yüz akçesini kendine hîbe ve temlîk edip bâkī zimmetinde iki bin akçe mehr-i müeccel hakkım olmağla taleb ederim deyü daʻvâ etdikde ol dahi ber-vech-i muharrer ikrâr ve iʻtirâf etmeğin alâ-mûcib-i iʻtirâfihî meblâğ-ı bâkī-i mezbûr iki bin akçeyi müddeʻiye-i mezbûre Fâtıma Hatun’a edâ ve teslîme merkūm Mustafa’ya tenbîh olunup tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’s-sânî min-şehri Cemâziyelâhir li-sene isneyn ve sittin ve miʼe ve elf.