Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 590 Hüküm no: 950 Orijinal metin no: [108b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hatun ile Hatem Hatun arasındaki alacak verecek davasının sona erdiği Maʻrûz; Sâhibe-i arzuhâl Hatice nâm hatun derûn-ı arzuhâlde mezkûratü’l-ism Hatem nâm hatun mahzarında mezbûr Hatem zimmetinde bi’l-iʻlâm mahkûmün-bih doksan guruş hakkım olup mezbûre Hatem’in yedinde olan iʻlâm mûcebince zevcim işbu hâzır bi’l-meclis Mustafa zimmetinde dört yüz guruş hakkı olmağla mezbûre Hatem meblâğ-ı mezbûr dört yüz guruşun doksan guruşunu zevcim mezbûr Mustafa’dan bana havâle-i sahîha ile havâle ben ve mezbûr Mustafa dahi havâleten kabûl etdiğimizden sonra târîh-i iʻlâma değin beynlerimizde cereyân eden ahz u iʻtâya müteʻallika âmme-i deʻâvî [ve] mütâlebâtdan ben mezbûre Hatem’in ol dahi kezâlik benim birbirlerimizin zimmetlerini ibrâ ve katʻ-ı nizâʻ etmişizdir deyü baʻde’l-ikrâr ve’t-tasdîk mübâşirleri Ali Çavuş iltimâsıyla tescîl olunup huzûr-ı âlîlerine iʻlâm olundu. Fî 3 min-Cemâziyelâhir sene 1162