Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 590 Hüküm no: 951 Orijinal metin no: [108b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatem Hatun ile Mustafa arasındaki borç davasının sona erdiği Maʻrûz; Sâhibe-i arzuhâl Hatem derûn-ı arzuhâlde mezkûr Mustafa mahzarında mezbûre Hatem yedinde olan iʻlâm mûcebince mezbûr Mustafa zimmetinde hakkı olan dört yüz guruşun doksan guruşunu işbu hâzıra bi’l-meclis Hatice bâ-iʻlâm edâsı lâzım doksan guruş deynine havâle mâʻadâ üç yüz on guruş hakkından bâ-vesâtet-i muslihîn iki yüz guruşa sulh ve meblâğ-ı sulh-i mezbûr iki yüz guruşun ancak yüz guruşunu ahz etmek üzere mezbûr Mustafa üzerine imhâl ve tecîl ol dahi kabûl edip meblâğ-ı mezbûr iki yüz guruşdan mâʻadâsı târîh-i iʻlâma gelince sâir beynlerinde cereyân eden ahz u iʻtâ ve muʻâmelât-ı şettâya müteʻallika âmme-i deʻâvîden her biri âharın zimmetini ibrâ ve bu vechile katʻ-ı nizâʻ etdikleri mübâşirleri Ali Çavuş iltimâsıyla tescîl olunup huzûr-ı âlîlerine iʻlâm olundu. Fermân men-lehü’l-emr hazretlerinindir. Tahrîren fi’l-yevmi’s-sâlis min-Cemâziyelâhir li-sene isneyn ve sittin ve miʼe ve elf. 1162