Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 594 Hüküm no: 960 Orijinal metin no: [109b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayıkcı Mehmed ve Ahmed’in borçlarını ödemeleri Maʻrûz; Medîne-i Eyüb’de Kayıkcı bâʻisü’l-iʻlâm es-Seyyid İbrahim meclis-i şerʻde kayıkcı tâifesinden Mehmed b. Mustafa ve Ahmed b. Abdullah muvâcehesinde mezbûrân Mehmed ve Ahmed mükemmel âlâtıyla mülküm olan bir kayığımı her biri kırkar guruş vermek üzere seksen guruşa bundan akdem ale’l-iştirâk benden iştirâ etmeleriyle hâlâ meblâğ-ı mezbûrdan mezbûr Ahmed zimmetinde on beş guruş ve mezbûr Mehmed zimmetinde dokuz guruş bâkī hakkım kalmağla taleb ederim deyü mezbûrlardan iddiʻâ ve her biri husûs-ı mezbûru vech-i muharrer üzere ikrâr ve iʻtirâf etmeleriyle mûcebiyle on beş guruşun edâsına mezbûr Ahmed’e ve dokuz guruşun edâsına mezbûr Mehmed’e tenbîh olunduğu medîne-i mezbûre mahkemesinde tescîl olunup bi’l-iltimâs huzûr-ı âlîlerine iʻlâm olundu. Fermân men-lehü’l-emrindir. Fi’l-yevmi’r-râbiʻ min-Cemâziyelevvel li-sene isneyn ve sittin ve miʼe ve elf.