Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 597 Hüküm no: 965 Orijinal metin no: [110a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Pazarbaşı Mustafa’nın görevine yapılan müdâhalelerin men edilmesi Maʻrûz; Çarşamba günü dîvân-ı âlîlerinde maʻkūd meclis-i şerʻ-i şerîf-i enverde bâʻisü’l-iʻlâm Mustafa İstanbul Pazarbaşısı el-Hâc Mehmed nâm kimesne ile terâfuʻlarında medîne-i Ebâ Eyüb el-Ensârî sûkunda olan bakkal esnâfının bâ-berât-ı âlîşân pazarbaşılığı üzerimde olup lâkin merkūm el-Hâc Mehmed ile medîne-i mezbûrede hamam karşısında bakkal ve hâzır bi’l-meclis Ali nâm kimesne umûrumu bana rüʼyet etdirmeyip bi-gayr-ı vechin müdâhale ederler menʻ olunmaları matlûbumdur dedikde mezbûr Ali’nin husûs-ı mezbûra münâsebeti olmamağla taʻarruzu olduğu takdîrce baʻde’l-yevm taʻarruz etmemek üzere tenbîh olunup İstanbul Pazarbaşısı el-Hâc Mehmed dahi baʻde’l-yevm Eyüb’de olan bakkal umûruna dahl ü taʻarruz etmemek üzere taʻahhüd eylediği baʻde’t-tescîl mübâşirleri Hasan Çavuş kulları iltimâsıyla huzûr-ı âlîlerine iʻlâm olundu. Fermân men-lehü’l-emrindir. Fi’l-yevmi’s-sâbiʻ ve’l-ışrîn min-şehri Cemâziyelevvel li-sene isneyn ve sittin ve miʼe ve elf. 1162