Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 602 Hüküm no: 976 Orijinal metin no: [111b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Takyeci Mahallesi ahâlîsinden Mehmed’in oğlu Ömer’in başından yaralanarak öldüğünün tespit olunduğu Maʻrûz; Sâdır olan fermân-ı âlîlerine imtisâlen savb-ı şerʻ-i enverden irsâl olunan Mevlânâ Mehmed Efendi mahmiye-i İstanbul hısnı ebvâbından Topkapısı hâricinde Takyeci Mahallesiʼnde sâkin sâhib-i arzuhâl Mehmed’in oğlu olup Ayvalıdere’de Beylik çayırda tarîk-i âmda mecrûhen vefât eden Ömer nâm emredin cenâzesi üzerine varıp cemâʻat-i Müslimîn huzûrlarında sâhib-i arzuhâl babası mezbûr Mehmed hâzır olduğu halde aʻzâsına nazar etdiklerinde başından ensesi üstünde âlet-i câriha ile cerh-i azîm ve müteessiren mevziʻ-i merkūmda vefât eylediğini baʻde’l-muʻâyene ve’l-keşf vâkiʻ hâli Mevlânâ-yı mezbûr mahallinde baʻde’t-tahrîr ve’l-inhâ bi’l-iltimâs huzûr-ı âlîlerine iʻlâm olundu. Fermân men-lehü’l-emrindir. Fî 22 Rebîʻülâhir sene 1162