Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 604 Hüküm no: 979 Orijinal metin no: [111b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ustoyan v. Taryan’ın Çoban Yorgo’yu bıçakla yaraladığını ikrâr ve itiraf ettiği Maʻrûz-ı dâʻî-i Devlet-i Aliyyeleridir ki; Havâss-ı aliyye kazâsına tâbiʻ Bosna karyesinde Beylik çiftliğinde çoban tâifesinden hâmilü’l-iʻlâm Yorgo v. Velga, Vidos ustası tarafından taʻyîn olunan bölükbaşı mübâşeretiyle ihzâr-ı şerʻ olunan yine çiftlik-i mezkûr çobanlarından Ustoyan v. Taryan zimmî muvâcehesinde bir gün mukaddem vakt-i asrda karye-i mezkûrun Beylik tarlada bi-gayr-ı hakkın üzerime hücûm ve kurolta? taʻbîr olunur Arnavud bıçağı ile keşfolunduğu üzere merkūm Ustoyan sağ çenemden ve ensemden ve iki kaşım üstünden ve sağ parmağımdan darb ve cerh eyledi deyü mûcib-i şerʻîsini merkūm Ustoyan zimmîden daʻvâ etdikde merkūm Ustoyan zimmî vech-i muharrer üzere vakt-i mezkûrda âlet-i mezkûr ile mahâll-i merkūmda muʻâyene ve müşâhede olunduğu üzere darb ve cerh eylediğini ikrâr ve iʻtirâf etmekle cerh-i mezkûrun mûcib-i şerʻîsi berʼ-i tâm husûlüne tevfîk olunduğu medîne-i Eyüb mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Fermân men-lehü’l-emrindir. Fî 29 selh-i Rebîʻülâhir sene 1162