Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 604 Hüküm no: 980 Orijinal metin no: [111b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Avanes adlı zimmînin Topçular Ekmekcisi Kigork ve ortağı Nikos’un kendine aid bargirleri haksız yere zabtettikleri yolundaki iddiâsını ispatlayamadığı Maʻrûz-ı dâʻî-i Devlet-i aliyyeleridir ki; Hâmilü’l-iʻlâm Avanes nâm zimmî ihzâr olunan derûn-ı arzuhâlde mastûr Topçular Ekmekcisi Kigork ve şerîki Nikos nâm zimmîler ile terâfuʻlarında mesfûrân Kigork ve Nikos Nişancı kurbünde mülküm olup beher reʼsi üçer bin akçe kıymetli üç reʼs bargirlerimi benim hâl-i sugrumda sekiz sene mukaddem fuzûlî ahz etmişler idi deyü eylediği müddeʻâ-i mezbûresini mesfûrân bi’l-külliye inkâr etmeleriyle müddeʻî-i mesfûrdan beyyine taleb olundukda ikāmet-i beyyineye kādir olmayıp ityân-ı beyyineden izhâr-ı acz-birle istihlâf etmeğin müddeʻî-i mesfûr bilâ-beyyine-i âdile bî-vech muʻârazadan menʻ-birle tescîl olunduğu mübâşiri Mehmed Çavuş kulları iltimâsıyla huzûr-ı âlîlerine iʻlâm olundu. Fermân men-lehü’l-emrindir. Fî selh-i Rebîʻülâhir sene 1162