Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 604 Hüküm no: 981 Orijinal metin no: [112a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çoban Yuvan’ın borcunu ödemesi Ve minhu’l-ismeti ve’t-tevfîk ve hüve hasbiye ve niʻme’r-refîk. Maʻrûz-ı dâʻî-i Devlet-i aliyyeleridir ki; Bâʻisü’l-iʻlâm Ekmekci Osman Beşe b. Mehmed nâm kimesne meclis-i şerʻde Çoban Yuvan v. Estano nâm zimmî muvâcehesinde mezbûr Yuvan zimmî zimmetinde nân-ı azîz bahâsından on beş guruş ve on dokuz para hakkım olmağla taleb ederim deyü mezbûr Yuvan zimmîden daʻvâ etdikde ol dahi cihet-i merkūmeden on beş guruş ve on dokuz para müddeʻî-i mezbûr Osman Beşe’ye deyni olduğunu ikrâr ve iʻtirâf etmekle alâ-mûcib-i ikrârihi meblâğ-ı mezbûr on beş guruş ve on dokuz parayı müddeʻî-i mezbûr Osman Beşe’ye edâ ve teslîme merkūm Çoban Yuvan zimmîye baʻde’t-tenbîh Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Fermân men-lehü’l-emr hazretlerinindir. Min-şehri Cumâdelûlâ li-sene isneyn ve sittin ve miʼe ve elf.