Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 605 Hüküm no: 982 Orijinal metin no: [112a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Norşik v. Norşi’nin alacaklı olduğu yolundaki iddiâsını ispatlayamadığı Maʻrûz-ı dâʻî-i Devlet-i aliyyeleridir ki; Norşik v. Norşi nâm zimmî ihzâr etdirdiği hâmilü’l-iʻlâm Anaştaş v. Duka nâm zimmî muvâcehesinde mesfûr Anaştaş’ın boynunda yarasına tımar ve ilaç etmekle edviye bahâ ve üç aylık ücretimden râzı olduğum altı guruşu taleb ederim deyü eylediği daʻvâ-yı mezkûresini mesfûr Anaştaş bi’l-külliye inkâr edip ve müddeʻî-i mesfûr Norşik zimmî müddeʻâsını isbâtdan acz ve yemîne dahî tâlib olmamağla müddeʻî-i mesfûr Norşik mesfûr Anaştaş ile bilâ-beyyine ve bilâ-yemîn muʻârazadan menʻ-birle Eyüb mahkemesinde tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i men lehü’l-emrindir. Fî yevmi’r-râbiʻ min-Cemâziyelevvel li-sene isneyn ve sittin ve miʼe ve elf.