Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 606 Hüküm no: 984 Orijinal metin no: [112a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan b. Mustafa’nın boşadığı karısı Ümmü Gülsüm’e mihrini ödemesi Maʻrûz; Medîne-i Eyüb mahallâtından Süleyman Subaşı Mahallesi sâkinelerinden işbu bâʻisetü’l-iʻlâm Ümmü Gülsüm bt. Osman nâm hatun sâbıkā zevci olup ihzâr-ı şerʻ etdirdiği Hasan b. Mustafa nâm kimesne muvâcehesinde zevc-i sâbıkım mezbûr Hasan zimmetinde mütekarrir üç bin akçe mehr-i müeccel hakkımı taleb ederim deyü daʻvâ, mezbûr Hasan dahi müddeʻiye-i mezbûre Ümmü Gülsüm mehr-i mezbûru hulk etmişdir <<üzerine benimle hulʻ olmuşdur>> deyü eylediği defʻini müddeʻiye-i mezbûre <> münkire olup mezbûr Hasan defʻ-i mezkûrunu isbâtdan izhâr-ı acz edip talebiyle müddeʻiye-i mezbûre Ümmü Gülsüm Hatun baʻde’l-halfi’ş-şerʻî mûcebiyle mehr-i müeccel-i mezbûr üç bin akçeyi müddeʻiye-i mezbûre Ümmü Gülsüm Hatun’a edâ ve teslîme mezbûr Hasan’a baʻde’t-tenbîh ve’t-tescîl bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fî 7 min-Cemâziyelevvel sene 1162