Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 607 Hüküm no: 986 Orijinal metin no: [112a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim b. Hasan’ın bulunduğu mahalleden başka mahalleye taşınması Maʻrûz-ı dâʻî-i Devlet-i aliyyeleridir ki; Eğrikapı hâricinde vâkiʻ Cebecibaşı Mahallesi İmamı Mehmed Efendi b. Mehmed ve cemâʻatinden Mehmed b. Abdullah ve Osman b. Osman ve es-Seyyid Abdullah nâm kimesneler medîne-i Eyüb’de taʻyîn olunan haseki kulları mübâşeretiyle ihzâr-ı şerʻ olunan İbrahim b. Hasan nâm kimesne muvâcehesinde mezbûr İbrahim yakında mahallemize gelip keyfiyet-i ahvâli maʻlûmumuz olmayıp ve bilâ-kefîl kirâ ile sâkin olmağla ihrâcı matlûbumuzdur deyü iltimâslarına binâʼen mezbûr İbrahim dahi târîh-i iʻlâmdan üç güne değin rızâsıyla âhar mahalleye nakledip mahalle-i mezbûrede ikāmet eylememek üzere taʻahhüd eylediği Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-âşir min-Cemâziyelevvel li-sene isneyn ve sittin ve miʼe ve elf.