Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 610 Hüküm no: 992 Orijinal metin no: [113a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nimetullah Hatun’un es-Seyyid Mehmed’in oğlu Mehmed’in bileziğini çaldığı yolundaki iddiâsını ispatlayamadığı Maʻrûz; Medîne-i Hazret-i Ebâ Eyüb el-Ensârî −radiya anhu Rabbihi’l-Bârî−de el-Hâc Hüsrev Mahallesiʼnde sâkin olup zâtı taʻrîf-i şerʻî ile muʻarrefe olan Nimetulah bt. Ali nâm hatun meclis-i şerʻde yine mahalle-i mezbûre sükkânından bâʻisü’l-iʻlâm hâzır bi’l-meclis es-Seyyid Mehmed’in oğlu Mehmed nâm sagīr hâzır olduğu hâlde terâfuʻlarında sagīr-i mezbûr Mehmed bir hafta mukaddem benden yoğurt iştirâ içün menzilime gelip odam kapısı kurbüne destgâh üzerinde vazʻ eylediğim kırk guruş kıymetli bir tek bileziğim zâyiʻ olmağla sagīr-i mezbûr ahz etmişdir deyü mazanna ittihâz eylediğime binâʼen taleb ederim deyü daʻvâya mütesaddiye ve menzilim derûnunda zâyiʻ olmağla sübûtu dahi müteʻassir deyü müddeʻâ-i mezbûresini isbâtdan âcize ve yemîne tavakkuf etdikde tâlibe dahi olmamağla müddeʻiye-i mezbûre bilâ-beyyine bî-vech muʻârazadan menʻ olunduğu baʻde’t-tescîl bi’l-iltimâs huzûr-ı âlîlerine iʻlâm olundu. Fî 8 Rebîʻülâhir sene 1162