Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 610 Hüküm no: 993 Orijinal metin no: [113a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Attar Halil b. Receb’in Kahveci Ali Beşe’den alacaklı olduğu yolundaki iddiâsını ispatlayamadığı Maʻrûz; Mevlevîhânekapısı dâhilinde sâkin Attâr Halil b. Receb nâm kimesne Davudpaşa bostânîleri neferâtından Mehmed Bey mübâşeretiyle Eyüb mahkemesine ihzâr etdirdiği Kahveci Ali Beşe b. Hüseyin ile murâfaʻa olduklarında târîh-i iʻlâmdan on bir ay mukaddem mezbûr Kahveci Ali Beşe İnâdiye hamamı kurbünde kendi dükkânında beher vakıyyesi yirmişer paraya olmak üzere iştirâ ve kabz eylediği elli altı vakıyye duhân bahâsından yirmi sekiz guruş hakkım vardır taleb ederim deyü eylediği daʻvâ-yı mezbûresini mezbûr Kahveci Ali Beşe bi’l-külliye inkâr edip müddeʻî-i mezbûr müddeʻâsını isbât edemeyip tâlib-i tahlîf dahi olmamağla müddeʻî-i mezbûr Attâr Halil mezbûr Ali Beşe ile bilâ-beyyine ve bilâ-yemîn ol vechile muʻârazadan menʻ-birle tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 12 Rebîʻülâhir sene 1162