Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 611 Hüküm no: 994 Orijinal metin no: [113a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eyüb’de bulunan Ya Vedûd Evkâfı’nın tekkenişînliğinde hak iddiâ eden Fâtıma Hatun’un mezkûr görevin şartlarını taşımadığı Maʻrûz; Sâhibe-i arzuhâl Fâtıma nâm hatun arzuhâli derûnunda tahrîr olunan medîne-i Ebâ Eyüb Ensârî’de merhûm Yâ Vedûd Evkāfı’nın tekke-nişînliği babamız müteveffâ Hüseyin Efendi’den hâzırân bi’l-meclis mezbûrân İsmail ve Ahmed’in babaları olan karındaşım müteveffâ Hasan ile derecede müsâvî ve meşrûtamız olmağla ber-vech-i iştirâk intikāl eder deyü eylediği müddeʻâ-i mezbûresi üzere meşrûtiyetini delâlet eder sened-i şerʻî olmayıp mürûr-ı ezmine vukūʻıyla sübûtu dahi müteʻassir olup tevliyet ve zâviyedârlık ancak ricâline mahsûs, müddeʻiye-i mezbûre Fâtıma’nın alâkası olmamağla müddeʻâ-i mezbûresinden fâriğa olmağın terahhümen yirmi guruş verilip husûs-ı mezkûra müte‘alika daʻvâdan katʻ-ı nizâʻ eylediği baʻde’t-tescîl huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 11 min-şehri Rebîʻülâhir sene 1162