Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 611 Hüküm no: 995 Orijinal metin no: [113a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karısı Emetullah Hatun’u boşayan Ahmed Çelebi b. Mehmed’in taksitlerle mehir ve nafaka ödemeyi kabul ettiği Maʻrûz; Medîne-i Eyüb’de el-Hâc Hüsrev Mahallesiʼnde sâkine bâʻisetü’l-iʻlâm Emetullah’ın babası ve tarafından zikr-i âtî husûsda vekîl olduğu es-Seyyid Abdullah b. es-Seyyid Mehmed ve Ahmed b. Hüseyin şehâdetleriyle sâbit olan Osman Çelebi b. eş-Şeyh Ali meclis-i şerʻde Ahmed Çelebi b. Mehmed muvâcehesinde mezbûr Ahmed kızım müvekkilem mezbûre Emetullah’ın zevc-i dâhili olup târîh-i iʻlâmdan on gün mukaddem tatlîk etmekle zimmetinde mütekarrir mehr-i müecceli olan iki bin akçe ile nafaka-i iddet ve meʼûnet-i süknâsı içün bi’t-terâzi takdîr olunan bin akçe ki cemʻan üç bin akçeyi bi’l-vekâle daʻvâ etdikde ol dahi meblâğ-ı deyn-i mezbûru defʻaten edâya adem-i kudretim olup tedrîc ile edâ ederim deyü ber-vech-i muharrer ikrâr ve taʻahhüd eylediği baʻde’t-tescîl bi’l-iltimâs huzûr-ı âlîlerine iʻlâm olundu. Fî 12 Rebîʻülâhir sene 1162