Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 613 Hüküm no: 998 Orijinal metin no: [113b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Beşe’yi haksız yere darbettikleri tespit olunan Halil Beşe ile arkadaşı Bektaş Beşe’nin cezâlandırılmaları Maʻrûz; Debbağ tâifesinden işbu bâʻisü’l-iʻlâm Mustafa Beşe nâm kimesne Unkapanı kurbünde dikici? tâifesinden Halil Beşe ve refîki Bektaş Beşe nâm kimesneler ile terâfuʻlarında mezbûrân Halil Beşe ve Bektaş Beşe târîh-i iʻlâm günü debbağhâne kurbünde yumruk ile ikisi maʻan bi-gayr-ı hakkın ağzıma darbetmişlerdir deyü eylediği daʻvâ-yı mezkûresini şuhûd-ı udûlden Mumcu Hüseyin b. Ali ve Mehmed Beşe b. Kasım şehâdetleriyle münkirân-ı mezbûrân muvâcehelerinde vech-i şerʻî üzere baʻde’l-isbât mûcebince mezbûrâna şerʻan taʻzîr iktizâ eylediği bi’l-iltimâs Eyüb mahkemesinde tescîl olunduğu huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’r-râbiʻ aşer min-Rebîʻi’l-evvel li-sene isneyn ve sittin ve miʼe ve elf.