Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 613 Hüküm no: 999 Orijinal metin no: [113b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kocası Mehmed’den boşanan Nefise Hatun’un mehir ve nafakasını talep ettiği Medîne-i Eyüb’de Fethi Çelebi Mahallesiʼnde sâkine bâʻisetü’l-iʻlâm Nefise nâm hatun meclis-i şerʻa ihzâr etdirdiği zevc-i dâhili <> Mehmed nâm kimesne ile terâfuʻlarında bundan akdem merkūm Mehmed zevcim olup beni bâyinen tatlîk etmekle zimmetinde mütekarrir ve maʻkūdun-aleyh iki bin dört yüz akçe mehr-i müeccelim ile nafaka-i iddet-i maʻlûmem ve meʼûnet-i süknâm içün bi’t-terâzi takdîr olunan bin iki yüz akçeyi taleb ederim deyü daʻvâ eyledikde ol dahi baʻde’l-ikrâr ve’t-tenbîh Eyüb mahkemesinde tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-hâmis ve’l-ışrîn min-şehri Rebîʻi’l-evvel li-sene isneyn ve sittin ve miʼe ve elf.