Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 614 Hüküm no: 1000 Orijinal metin no: [113b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe’nin sara hastalığından dolayı vefât etdiğinin anlaşıldığı Maʻrûz-ı dâʻî-i Devlet-i aliyyeleridir ki; Dergâh-ı âlî yeniçerilerinin beşinci bölük ortasının başkarakullukcusu ve sarʻa marazına mübtelâ olmağla bundan akdem bir husûs içün Havâss-ı aliyye kazâsında Kemerler cânibinde mîrî baş mandıra korusu içine varıp masrûʻan fevt olan Mehmed Beşe’nin uzvuna hâzırlar olan Müslimîn ile baʻde’n-nazar eser-i cerha müteʻallik eser bulunmayıp masrûʻan vefât eylediği taraf-ı şerʻden rüʼyet ve keşf ve defnine izin verilip hakīkat-i hâl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’r-râbiʻ aşer min-şehri Rebîʻi’l-evvel li-sene isneyn ve sittin ve miʼe ve elf.