Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 616 Hüküm no: 1002 Orijinal metin no: [114a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sütlüce karyesinde bulunan Pîrî Ahmed Bey evkafının tevliyetinde çıkan ihtilâfın giderilmesi << Maʻrûz; Fâtıma Hatun an-evlâd, arzuhâl sunup sâye-i nezâret-i hazret-i Şeyhü’l-İslâmî’de âsûde olan evkāfdan defterdâr-ı esbak merhûm Abdüsselâm Efendi evlâdından merhûm Pîrî Ahmed Bey nâm sâhibü’l-hayrın Havâss-ı refîʻa kazâsı muzâfâtından Sütlüce karyesinde vâkiʻ evkāfının tevliyeti yedimde olan vakfiye-i maʻmûlün-bihâ mûcebince kendi evlâd-ı vâkıfdan ve batn-ı evvelde olup derecede mukaddem ve nevbet-i tasarruf-ı tevliyet kendine münhasıra, lâkin Sâliha ve Habibe nâm hatunlar bilâ-mûcib müdâhale etmeleriyle ol bâbda istidʻâ-yı inâyet etmeğin defterdâr-ı sâbık merhûm Abdüsselâm Efendi Vakfı’nın mahâll-i kaydı Harameyni’ş-şerefeyn muhâsebesinde mastûr olup Sütlüce’de Pîr Ahmed Bey Vakfı’nın kaydı bulunmadığı derkenâr olmağın sâhibe-i arzuhâl Fâtıma bt. el-Hâc Ali nâm hatun zâtı taʻrîf-i şerʻî ile muʻarrefe oldukdan sonra meclis-i şerʻde diyâr-ı âharda sâkine Şerife Habibe nâm hatun ile nevbet-i tasarruf kendilerin olmak zuʻmuyla vakf-ı mezbûrun bi’l-iştirâk mütevelliyesi olan zâtı taʻrîf-i şerʻî ile muʻarrefe Şerife Sâliha bt. Seyyid Mustafa ile kız karındaşı mezbûre...>>