Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 616 Hüküm no: 1003 Orijinal metin no: [114a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kaçak kuzu kesimine mani olunması için gerekli tedbirlerin alınması İzzetlü bostancıbaşı ağa, Rûz-ı Hızır hulûl eylemedikce kuzunun zebh ve füruhtuna katʻan müsâʻade olunmayıp menʻ ve defʻ olunmak muʻtâd olup ve bâ-husûs rûz-ı Hızır duhûlüne dahi hayli zamân var iken Âsitâne-i aliyye havâlîsinde vâkiʻ çiftlikât ve mandıra ve ağıl ashâbı tamaʻ-ı hâmma tebaʻiyyet ve celb-i menfaʻat sevdâsıyla hâsıl olan kuzuları izdiyâd-ı bahâ ile füruht eylemek içün zebh ve itlâf ve izâʻat eyledikleri ihbâr olunduğu cihetden menʻ [ü] defʻi mühim ve muktezî olmağla imdi Âsitâne-i aliyye ve Üsküdar ve Haslar ve Galata havâlîsinde vâkiʻ çiftlik ve mandıra ve ağıl ashâbı yedlerinde mevcûd olan kuzu ne mikdâr ise taʻdâd ve defter olunup fî-mâ baʻd bir reʼsi zebh ve füruht olunmayıp inşâallâhu teʻâlâ rûz-ı Hızır hulûlüne dek ashâbı yedlerinde ibkā ve itlâf ve izâʻatdan ihtirâz ve ittikā eylemelerini ashâbına alâ-vechi’t-tehdîd tenbîh-i ekîd ve mübâderet ve hilâf-ı emr-i âlî harekete tasaddî edenlerin haklarından gelinmek içün ahz ve huzûrumuza ihzâr ve irsâle ihtimâm ve dikkat eyleyesin deyü buyruldu. Fî 10 Rebîʻülevvel sene 1162