Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 617 Hüküm no: 1004 Orijinal metin no: [114b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayıkcı Ali’nin evinde buluşarak fuhuş yaptıkları tespit olunanların cezalandırılmaları Maʻrûz-ı dâʻî-i Devlet-i aliyyeleridir ki; Medîne-i Eyüb’de Camiʻ-i kebîr Mahallesi’nde demirciler tâifesinden Kayıkcı Ali nâm kimesnenin menzilinde beş gün mukaddem Eyüb’de Çörekci Resul nâm kimesne yine Kıbtiye tâifesinden Ümmühani ile menzil-i mezbûrda birbirlerine nâ-mahrem oldukları hâlde vâsıtaları Âişe ve Sâliha nâm Kıbtiyelerin iʻânetiyle bir odaya cemʻ olduklarında yine Tâife-i mezbûreden Hasan b. Mehmed ve Halil b. Mustafa ve Ahmed b. İbrahim nâm kimesneler şerʻa ve zâbite haber vermeksizin menzile duhûl ve fuhşiyâtlarına vâkıf olmuşlar iken cümlesinin husûs-ı melʻanetde ittifâkları olmağla izhâr etmedikleri ve bu misilli fiʻl-i kabîha muʻtâdları olduğu ihbâr ve ahz ve her birileri istintak olunduklarında ikrâr ve iʻtirâf ve tedîb olunmaları içün bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 18 min-Saferi’l-hayr sene 1162