Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 617 Hüküm no: 1005 Orijinal metin no: [114b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haklarında şikâyet bulunan Ahmed b. Mehmed ve Emin b. İbrahim’in kimseyi rahatsız etmeyeceklerine dair söz verdikleri Maʻrûz-ı dâʻî-i Devlet-i aliyyeleridir ki; Medîne-i Ebâ Eyüb Ensârî mahallâtından Cezerî Kasımpaşa Mahallesi sâkinlerinden Ahmed b. Mehmed ve Emin b. İbrahim nâm kimesneler kendi hâllerinde olmayıp nâ-pesendîde zuhûr eden efʻâllerinden mutazarrırlarız deyü Mahallesi’ İmamı Hamza Efendi ve İmam Abdullah Efendi ve Müezzin Emin ve es-Seyyid Mustafa ve Hasan Beşe ve Hamamcı el-Hâc Ali nâm kimesneler bi’l-muvâcehe iştikâlarında onlar dahi baʻde’l-yevm ırzlarıyla mukayyed olmak üzere müteʻahhidler olup ahâlî-i mahalle dahi mezbûrdan iştikâlarından fâriğân olup katʻ-ı nizâʻ eyledikleri bi’l-iltimâs huzûr-ı âlîlerine iʻlâm olundu. Fî 18 Safer sene 1162