Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 619 Hüküm no: 1009 Orijinal metin no: [114b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer Efendi’nin Mustafa Efendi’ye borcunu ödemesi Maʻrûz; Sâhibe-i arzuhâl Mustafa Efendi b. Receb medîne-i Eyüb’de Aşcıbaşı Mahallesi ahâlîsinden Ömer Efendi b. Ahmed muvâcehesinde bundan akdem mezbûr Ömer Efendi gāib ani’l-meclis Abdülkerim Efendi’ye yüz yirmi yedi buçuk guruş ver deyü bi-şartü’r-rücûʻ tarafından emr ve tevkîliyle meblâğ-ı mezbûru edâ etmemekle [etmemle] taleb ederim deyü daʻvâ etdikde ol dahi cevâbında husûs-ı mezkûru ikrâr lâkin meblâğ-ı mezbûru ben Abdülkerim Efendi’ye irsâl eyledim deyü defʻi mesmûʻ olmadığından mâʻadâ mezbûr Ömer Efendi meblâğ-ı mezbûrun vusûlünü dahi iddiʻâ etmemekle iʻtirâfına binâʼen meblâğ-ı mezbûr yüz yirmi yedi buçuk guruşun edâsıyla mezbûr Ömer Efendi ilzâm olunup medîne-i mezbûre mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 25 Saferi’l-hayr sene 1162