Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 621 Hüküm no: 1012 Orijinal metin no: [115a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Komşularını rahatsız eden Martin v. Lako’nun bulunduğu mahalleden ihrâcı Maʻrûz; Ashâb-ı arzuhâl Nifoz nâm karye ahâlîsinden Yani v. Todori ve İstefan v. Kelb ve Yani v. Kostantin ve Dimo v. İlya ve Dimitraki v. Pavlov ve Mano v. Palaş ve Yorgo v. Praşkova nâm zimmîler Eyüb mahkemesinde meclis-i şerʻa ihzâr etdirdikleri derûn-ı arzuhâlde mastûrü’l-ism Martin v. Lako nâm zimmî muvâcehesinde mesfûr Martin üç-dört senedir karyemize gelip müsteciren mütemekkin olup hamr ve arak beyʻine mübâşeret ve cemʻ olan kimesnelerin efʻâl-i kabîhalarından cümlemiz mutazarrır ve müteellimleriz deyü iştikâ ve ihbâr ve mesfûr Martin zimmî âhar mahalde n gelip karyemizde müsteciren mütemekkin olmağla ihrâcını taleb ederiz dediklerinde mesfûr Martin dahi kendi rızâsıyla ahar mahalle gitmek üzere taʻahhüd eylediği üç gün mukaddem zabt ve tescîl olunduğu imtisâlen-li’l-emri’l-âlî huzûr-ı âlîlerine iʻlâm olundu. Fermân hazret-i veliyyü’l-emrindir. Fî 12 min-Rebîʻülevvel sene 1162