Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 621 Hüküm no: 1013 Orijinal metin no: [115a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Semerci Mustafa Beşe’nin evine bazı kimseleri topladığı yolunda yapılan suçlamalardan vazgeçildiği Maʻrûz; Medîne-i Eyüb’de Zeyneb Hatun Mahallesi imamı ve cemâʻatlerinden müseccelü’l-esâmî yedi nefer kimesneler mahalleli sükkânından semerci tâifesinden işbu Mustafa Beşe’nin menziline yine Tâife-i mezbûreden gāib ani’l-meclis Peço v. Kosta nâm zimmî her bâr duhûl ede gelmişdir deyü mütâlebe ve muʼâheze içün oğulları işbu Kosta ve Yani nâm zimmîler ahz ve ihzâr olunmuşlar idi. Gāib-i mesfûrun menzil-i merkūma duhûlünü görmedik ve sû-i hâline vâkıf olmadık deyü ihbâr ve babaları mesfûr Peço’nun nefsine ve hîn-i mütâlebede ihzârına oğulları mesfûrânın kefâletleri dahi olmamağla muʼâheze olunmamak üzere idiʻâlarından fâriğler olup katʻ-ı nizâʻ eyledikleri baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 12 min-Rebîʻülevvel sene 1162