Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 623 Hüküm no: 1016 Orijinal metin no: [115b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Beşe’nin İsmail Beşe’ye olan borcunu ödemesi Maʻrûz-ı dâʻî-i Devlet-i aliyyeleridir ki; Bâʻisü’l-iʻlâm İsmail Beşe b. Abdi meclis-i şerʻa ihzâr etdirdiği Ali Beşe b. Halil ile terâfuʻlarında mezbûr Ali Beşe ile kurbanlık yüz elli aded koyun iştirâken iştirâ ve akd-i şirket etdiklerinde kabz-ı mâl olan mezbûr Ali Beşe zimmetinde yirmi beş guruş ve zuhûr eden fâizinden iki buçuk guruşu taleb ederim deyü eylediği fâiz müddeʻâsını merkūm Ali Beşe münkir olmağla müddeʻî-i mezbûr isbâtdan acz ve mezbûr Ali Beşe’nin yemînden nükūlüyle zimmetinde sâbit olan fâizden on iki buçuk guruş müddeʻî-i mezbûr İsmail Beşe’ye edâya merkūm Ali Beşe’ye tenbîh olunduğu medîne-i Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’t-tâsiʻ aşer min-Muharremi’l-harâm li-sene isneyn ve sittin ve miʼe ve elf.