Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 623 Hüküm no: 1017 Orijinal metin no: [115b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Es-Seyyid Mustafa’nın darbedildiği yolundaki iddiâsını ispatlayamadığı Maʻrûz; Medîne-i Eyüb sâkinlerinden es-Seyyid Mustafa b. es-Seyyid Ömer nâm kimesne Medîne-i mezbûrede Bektaş Ağa bostanı müstecirlerinden ihzâr etdirdiği hâmilü’l-iʻlâm Kasko v. Hristo nâm zimmî muvâcehesinde târîh-i iʻlâm günü merkūm Kasko zimmî benim üzerime hücûm, eliyle darbeyledi deyü eylediği müddeʻâsını merkūm Kasko zimmî münkir olup müddeʻî-i mezbûr isbâtdan acz ve talebiyle merkūm Kasko zimmî tahlîf-i şerʻî olunup müddeʻî-i merkūm es-Seyyid Mustafa bilâ-beyyine bî-vech muʻârazadan menʻ olunduğu tescîl ve bi’l-iltimâs huzûr-ı âlîlerine iʻlâm olundu. Fermân hazret-i veliyyü’l-emrindir. Fî 19 M sene 1162