Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 624 Hüküm no: 1018 Orijinal metin no: [115b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bodur Osman Beşe’nin açtığı alacak davasından vazgeçtiği Maʻrûz; Derûn-ı arzuhâlde mezkûrü’l-ism Bodur Osman Beşe nâm kimesne sâhib-i arzuhâl Dellâk Mahmud nâm kimesne mahzarında mezbûr Bodur Osman Beşe cihet-i karzdan olmak üzere otuz beş guruş mezbûr Mahmud zimmetinde hakkım vardır taleb ederim deyü tasaddî eylediği daʻvâ-yı mezkûresini mezbûr Mahmud bi’l-külliye inkâr, baʻde’l-münâzaʻa tavassut-ı muslihûn ile daʻvâ-yı mezbûresinden meccânen mezbûr Mahmud’un zimmetini târîh-i iʻlâmdan yedi gün mukaddem Eyüb’de Çömlekciler hamamında huzûr-ı Müslimîn’de âmme-i deʻavî ve mütâlebâtdan ibrâ ve iskāt eylediğini meclis-i şerʻde ikrâr ve iʻtirâf edip ol dahi baʻde’t-tasdîk medîne-i mezbûre mahkemesinde tescîl olunduğu huzûr-ı âlîlerine iʻlâm olundu. Fermân hazret-i veliyyü’l-emrindir. Fî M sene 1162