Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 624 Hüküm no: 1019 Orijinal metin no: [116a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kadı Lütfullah Efendi’nin Ali isimli kişiye kefâletten dolayı olan borcunu ödemesi Maʻrûz-ı dâʻî-i Devlet-i aliyyeleridir ki; Sâhib-i arzuhâl Ali nâm kimesne derûn-ı arzuhâlde mezkûr Kadı Lütfullah Efendi ile terâfuʻlarında gāib ani’l-meclis Ahmed Ağa ve mezbûr Lütfullah Efendi birbirlerinin emr ve kefâletleriyle bâ-temessük seksen beş guruş istikrâz ve kabz ve umûrlarına sarfla istihlâk ve ol vechile zimmetlerinde meblâğ-ı mezbûr seksen beş guruş hakkım olmağla asâleten ve kefâletine binâʼen meblâğ-ı mezbûr seksen beş guruşu mezbûr Lütfullah Efendi’den taleb ederim deyü baʻde’d-daʻvâ mezbûr Lütfullah Efendi istintak olundukda ber-vech-i muharrer ikrâr ve iʻtirâf etmeğin mûcebince meblâğ-ı mezbûr seksen beş guruşu müddeʻî-i mezbûr Ali’ye edâ ve teslîm eylemek üzere iʻtirâfına binâʼen mezbûr Lütfullah Efendi’ye tenbîh-i şerʻî-birle tescîl olunduğu huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî gurre-i Saferi’l-hayr sene 1162