Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 542 Hüküm no: 663 Orijinal metin no: [84b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mülâyim bt. Abdullah’ın, bazı ev eşyalarını üvey kızı Ümmühani bt. Ramazan’a hibe ettiği Mahmiye-i İstanbul hısnı ebvâbından Edirnekapısı dâhilinde Ali Paşa-yı Atîk mahallesi sâkinelerinden Mülâyim bt. Abdullah nâm hâtun meclis-i şer‘-i şerîf-i lâzımü’t-teşrîfde rebîbesi olan bâ‘isetü’l-kitâb Ümmühâni bt. Ramazan nâm sagīrenin tesviye-i umûruna kıbel-i şer‘-i mutahhardan mansûb vasîsi olan Ali Beşe mahzarında ikrâr ve takrîr-i kelâm edip hibe-i âtiyyetü’l-beyânın sudûruna değin yedimde mülküm ve hakkım olan bir beledî döşek ve bir minder ve iki kilim ve bir kebe ve bir sahan ve bir tas ve bir peştamal ve bir havlu makrama ve iki tencere ve iki Şam alacası kaftan ve bir tava ve bir velense ve bir kahve ibriği ve iki yemeni yorgan ve iki yemeni yastık ve iki çarşaf ve bir ocak perdesi ve iki sofra ve bir peşkir ve bir bakır sini ve bir leğen ve bir ibrik ve seksen bafteli bir sîm kuşağımı sagīre-i mezbûre Ümmühâni’ye hibe-i sahîha-i şer‘iyye ile hibe edip vasiyy-i mezbûr Ali Beşe’ye teslîm ettiğimden sonra vasiyy-i mezbûr dahi sagīre-i mezbûre için kabz ve tesellüm eyledi min ba‘d eşyâ-i mezbûre sagīre-i mezbûrenin mülk-i mevhûbudur dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâlis ve’l-ışrîn min Şa‘bâni’l-mu‘azzam li sene seb‘a ve seb‘în ve elf. Şuhûdü’l-hâl: Es-Sâbikūn.