Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 547 Hüküm no: 670 Orijinal metin no: [85b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rabia b. Ali Efendi adlı çocuğa nafaka takdir edildiği Hâkim, bundan akdem sâkin olduğu mahmiye-i Kostantıniyye mahallâtından Cebecibaşı mahallesinde fevt olan Ali Efendi’nin Râbia nâm sagīresinin nafakası, kisvesi ve sâir havâic-i zarûriyyesi için, yine mahalle-i mezbûrede sâkine olan Âişe bt. Hüseyin nâm annesi ve hâdinesinin talebiyle, müteveffâ-yı mezbûr babasından irs-i şer‘le kendisine intikāl eden emvâlden alınmak üzre zeylde mezkûr târihden i‘tibâren yevmî râyicü’l-vakt altı akçe farz ve takdîr etti ve meblağ-ı mefrûz-i mezkûru sagīre-i mezkûrenin havâicine sarf etmesine ve vakt-i hâcette istidâne edip lede’z-zafer rücû‘ etmesine mezkûre Âişe hâtuna izin verdi. Cerâ zâlike ve hurrire fi’l-yevmi’s-sâbi‘ ve’l-ışrîn min Şa‘bâni’l-mu‘azzam sene seb‘a ve seb‘în ve elf. Şuhûdü’l-hâl: Umdetü’s-sâdâti’l-kirâm ve’l-mevâli’l-izâm Hâcezâde Hüccetullah, umdetü’l-eşbâh Helvacızâde Abdullah, fahrü’l-akrân Musa Bey, Mustafa Çelebi b. Hâcezâde, Mehmed Çelebi.