Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 55 Hüküm no: 8 Orijinal metin no: [3a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. El-Hâc Osman’ın cariyesini azat ettiği Mahmiye-i İstanbul’da Çırakçı Mahallesi’nde sâkin el-Hâc Osman b. Abdullah nâm kimesne meclis-i şer‘-i şerîf-i lâzımü’t-tevkīrde rıkkını mu‘terif olan açık kaşlı, elâ gözlü, sarışın, Rusiyyetü’l-asl Canfeda bt. Abdullah nâm câriye-i memlûkesi muvâcehesinde ikrâr-ı tâm ve takrîr-i kelâm edip evsâf-ı mezbûre ile mevsûf olan câriyem mezbûreyi hasbeten lillâhi’l-aliyyi’l-azîm mülkümden âzâd edip sâir harâir-i asliyât [gibi] hürre olsun ba‘de’l-yevm üzerinde hakk-ı velâdan gayrı hakkım kalmadı dedikde mâ va[ka‘a] kayd şüd. Fî-7 Receb sene 1063. Şuhûdü’l-hâl: Salih Efendi b. ( ), el-Hâc Mehmed el-Bevvâb-ı sultânî, Salih Çelebi b. ( ), el-Hâc Resül Solak ve gayruhum.