|
Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 248 Hüküm no: 302 Orijinal metin no: [45b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mahmud Reis b. Şaban’ın muhallefâtı
Hâl-i hayâtında hâric-i mahrûse-i Galata mahallâtından Mustafa Ağa mahallesinde sâkin iken Ahyolu kasabasında vefât eden ve geride verâsetinin kendilerine münhasır olduğu Emine nâm kızını, Fâtıma bt. Abdullah nâm zevcesini, el-Hâc Ahmed ve el-Hâc Himmet nâm ana baba bir karındaşlarını bırakan merhûm Mahmud Reis b. Şaban’ın muhallefâtıdır. Vaka‘a’t-tahrîr fî evâsıtı şehri Şa‘bâni’l-mu‘azzam sene sitte ve elf. Kıymeti Câriye be nâm-ı Kâmile 6.000 Kebe-i Ağrıboz 2 Kebe-i Yanbolu 2 Kebe-i Tırnova 1 Velense 1 Kaliçe 2 Kilim 4 Döşek 1 Yorgan 3 Yastık 2 Servi sandık 1 Tencere 2 Sahan 4 ma‘a tepsi-i yahni 1 Maşraba 1 Zikr olunan câriye ve esbâbdan gayrı sagīre Emine’nin vâlidesi Fâtıma Hâtun kıbel-i şer‘den vasî olduğu haysiyetiyle alâ tarîki’l-ibrâ 15.600 akçe dahi alıp tarafından zimmetlerini ibrâ ve iskāt eyledikden sonra zikr olunan esbâb ve câriye ve nukūd sagīre-i mezkûre Emine’nin mâl-ı mevrûsu olup mâ vaka‘a alâ vukū‘ihî ketb olunup vasîsi yedine vaz‘ olundu tahrîren fi’t-târihi’l-mezbûr.
|