.:: İstanbul Kadı Sicilleri ::.


Galata Mahkemesi 20 Numaralı Sicil (H. 1005 - 1007 / M. 1596 - 1599)
cilt: 35, sayfa: 259
Hüküm no: 318
Orijinal metin no: [47a-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Efrenciko v. Panseliye’ye ıtâknâme verildiği

Hüccet-i ıtâknâme Ekālîm-i küffârdan Anabolu vilâyetinden uzun boylu çatık kaşlı kara gözlü yüzü çiçekli ve sağ yanağında eser-i cerâhati olup Efrenciyyü’l-asl olan Efrenciko v. Panseliye nâm zimmî meclis-i şer‘-i şerîfe hâzır olup takrîr-i kelâm ve ta‘bîr ani’l-merâm edip hâlen tersâne-i âmire’de kethüdâ olan fahrü’l-emâcid ve’l-ekârim Bayram Kethüdâ b. Abdürrahim hazretlerinin kendi kullarından olup başımı halâs için bahâmı tedârük edip bî-kusûr edâ ettiğimden sonra yedime ıtâknâme verile deyû mühürlü tezkire verip mûcebince kıbel-i şer‘den ıtâknâme taleb ederin deyû kavlini musaddık müşârün-ileyh kethüdâ beyin hatemi ile mahtûm bir tezkire ibrâz etmeğin ber mûceb-i tezkire bu vesîka ber sebîl-i ıtâknâme ketb olunup yed-i tâlibine vaz‘ olundu ki vakt-i hâcetde mübeyyin-i hâl ola. Tahrîren fî evâhiri şehri Şa‘bâni’l-mu‘azzam sene sitte ve elf. Şuhûd: Memi Reis b. Abdullah, Şaban Reis b. Mustafa ve Bayram Reis b. Ali, Mustafa b. Yusuf, Mehmed b. ( ), Hüsrev b. Abdullah el-Muhzır ve gayruhüm mine’l-hâzırîn