|
Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 272 Hüküm no: 339 Orijinal metin no: [49b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Kızına vasî olan Canfeda Hatun’un önceki vasîyi ibrâ ettiği
Mahmiye-i Galata hâricinde vâki‘ Bereketoğlu mahallesi sâkinlerinden olup bundan akdem vefât eden merhûm Kara Süleyman b. Cafer nâm müteveffânın sulbiye kızı Kerime nâm sagīreye kıbel-i şer‘den vasî nasb olunup sagīre-i mezbûrenin vâlidesi olan Canfeda bt. Abdullah nâm hâtun meclis-i şer‘-i şerîf-i lâzımü’t-tevkīrde işbu sâhibü’l-kitâb bundan akdem sagīre-i mersûmenin vasîsi olan Ahmed Bey b. Abdullah nâm kimesne muvâcehesinde takrîr-i kelâm edip vasiyy-i atîk Ahmed Bey müteveffâ-yı mezkûr Kara Süleyman’ın muhallefâtından kızı mezbûre Kerime’ye irsle intikāl eden hisse-i şer‘iyyesine müte‘allik merkūm Ahmed zimmetinde bir akçe ve bir habbe bâkī kalmadı dedikde mukırra-i mesfûrenin vech-i meşrûh üzre olan kelimâtını mersûm Ahmed Bey bi’l-muvâcehe tasdîk ettikden sonra mâ hüve’l-vâki‘ alâ vukū‘ihî kayd olundu. Tahrîren fi’t-târihi’l-mezbûr. Şuhûd: Mahmud Halîfe b. Muharrem el-İmâm, Ermeni Ahmed b. Abdullah, İsa b. Abdullah Ser-bölük, Mehmed Çelebi b. Hasan, İdris b. Yusuf, Mustafa b. Mahmud ve gayruhüm
|