.:: İstanbul Kadı Sicilleri ::.


Galata Mahkemesi 20 Numaralı Sicil (H. 1005 - 1007 / M. 1596 - 1599)
cilt: 35, sayfa: 275
Hüküm no: 344
Orijinal metin no: [50a-4, Arapça]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Ali, Âişe ve Rahime adlı çocuklara nafaka takdir edildiği

Hüccet-i nafaka Hâkim-i askerî muvakki‘-i a‘lâ hâze’l-kitâb bi tevkī‘ihi’l-müstetâb, hâric-i mahrûse-i Galata mahallâtından Muhyiddin Efendi mahallesinde vefât eden merhûm Mahmud Halîfe b. Şehsüvar’ın Ali, Âişe ve Rahime nâm evlâd-ı sıgārının nafaka, kisve ve sâir havâic-i zarûriyyeleri için, himâye ve terbiyesi altında bulundukları Mihman bt. Sefer nâm analarının talebiyle müteveffâ-yı mezkûr babalarından irs-i şer‘le kendilerine intikāl eden mallardan alınmak ve her birine üçer akçe olmak üzre zeyilde mezkûr târihden i‘tibâren yevmî râyicü’l-vakt dokuz akçe farz ve takdîr etti ve mezbûre Mihman’a meblağ-ı mefrûzu sıgār-ı mezbûrîne sarf etmek üzre izin verdi. Cerâ zâlike ve hurrire fi’l-yevmi’s-sânî aşer min şehri Ramazâni’l-mübârek sene sitte ve elf. Şuhûd: Ömer Çavuş b. Süleyman, Hüseyin Çelebi b. Muharrem, İbrahim Çelebi b. Hasan, Yunus Bey b. Abdullah, Şükür b. Ramazan ve gayruhüm